由 POS 到熟客回頭：點解餐廳系統一定要打通？

POS、QR code 落單、自助點餐機、排隊系統、會員系統……而家啲餐廳，科技工具真係唔少。但最大嘅問題係：呢堆系統之間，究竟有冇傾到計？

今集 Eber Connected 合作夥伴專訪，我哋請咗 Eats365 嘅 Chief Commercial Officer Hayden 上嚟，傾下香港餐飲業呢幾年嘅轉變，同埋點解將 POS data 同會員 data 打通，係餐廳提升效率、留住熟客嘅關鍵。

Hayden 話，近呢幾年香港人嘅消費模式同以前好唔同。大家成日講「北上消費」，好多香港人返大陸食飯、去旅行，好明顯睇得到，香港人喺本地餐飲上面使嘅錢係少咗。

但係咪等於大家冇錢、賺少咗？又未必。反而係成個行業入面，真正有消費力嘅餐飲客群細咗，而餐廳之間嘅競爭就大咗。

講到尾，都仲有一班人會留喺香港食飯，例如假期唔長嗰陣都會喺香港過。所以餐廳比以前更加需要針對呢班細咗嘅客群，喺咁多間餐廳之中跳出嚟。

Eats365 係專為餐廳而設嘅 POS 解決方案平台。佢同一般 POS 唔同嘅地方，係有超過 13 種模組，例如數碼點餐、自助點餐機、排隊系統、廚房管理系統等等，仲同市面上超過 100 個唔同嘅方案有整合。

即係話，餐廳由前線去到廚房，唔同部門都可以喺同一套系統入面 connect 埋一齊。再加埋同 Eber 嘅合作，兩邊各有分工，幫餐廳做好 customer retention，帶多啲 sales 返嚟。

Hayden 覺得，餐廳同客人建立關係，從來唔係淨係派 discount、派優惠券咁簡單。真正要做到嘅，係令客人覺得自己會想再返嚟，覺得呢間餐廳啲人真係識佢，大家之間有個 connection。

問題係，如果會員系統自己獨立運作，你只會知道呢個客喺你間餐廳有幾多積分、之前嚟過幾多次，但你唔知道佢食咗啲乜、坐邊張枱、最鍾意食咩。呢啲資料，其實一直都喺 POS 入面：佢落咩單、食咩套餐、咩時段過嚟、用咩方式俾錢。

兩個系統完全分開嘅話，佢哋之間就傾唔到計，唔會話俾對方知：原來呢個客鍾意夜晚嚟、愛點套餐、最鍾意食牛。

好多香港餐廳老闆都唔係大企業，冇乜 office、冇專人跟數，通常都係老闆自己一手一腳打理。佢哋每日就係不停做、不停炒菜、不停出餐，根本冇時間將啲零零散散嘅數據攞出嚟分析、再做推廣。

結果就係，餐廳明明手揸住咁珍貴嘅數據，自己都唔知。其實呢啲 data 可以幫到餐廳，令一個禮拜淨係嚟一次嘅客嚟多幾次，或者大時大節嗰陣令佢使多少少。

將 POS data 同會員 data 擺埋一齊，簡單講就係令餐廳更加了解自己啲客：呢位客人喺你度用緊幾多積分、最鍾意食乜、平時嘅消費習慣係點。Hayden 分享咗兩個好貼地嘅情景。

Hayden 話，餐廳諗會員計劃或者顧客優惠嗰陣，啲想法通常都好零散：今日想做個優惠，聽日想做儲分，後日又想搞消費券。推廣 idea 係無窮無盡，但要搵一套完全啱自己嘅系統，其實好難。

所以佢建議，餐廳揀會員系統嘅時候，要搵一套功能照顧得到將來，或者起碼係短期內預計會用到嘅需要。例如你打算做 top-up 增值，就算而家未諗好點玩，都應該揀定一套已經有 top-up 功能嘅系統，方便之後部署。

Hayden 特別提一提：好多系統都話自己功能好新穎、好齊全，但原來已經唔係好夾現代人嘅消費習慣，呢點都要睇清楚。

POS 幫餐廳處理交易同日常營運，Retention Marketing Platform 就幫餐廳將同客人嘅關係變成回頭生意。兩樣嘢角色唔同，但喺同一個生態圈入面互相打通，價值就會大好多。

對餐廳嚟講，目標唔係買多幾樣工具，而係建立一個撐得起成個顧客旅程嘅基礎：由客人落單，一直去到佢下次再返嚟食飯。

餐廳科技唔應該淨係幫你完成一單生意，而係要幫你搵到下一單。